သရေခေတ္တရာ ပြည်မြို့တော်

ပြည်မြို့၊ န၀ဒေးသကြားစက်မှ စက်ရုံ ကတ္တားအလေးချိန် မှားယွင်း ချိန်ခဲ့သည့် အတွက် စက်ရုံတာဝန်ရှိသူမှ တောင်သူများနှင့် ကားသမားများအား တောင်းပန်

pyaycity-suger-cane-truckပြည့်သဲမောင်(ပြည်)

 

 

ပဲခူးတိုင်းဒေသကြီး၊ ပြည်ခရိုင်၊ ပြည်မြို့ရှိ၊ န၀ဒေးသကြားစက်သို့ ကြံ လာရောက်ရောင်းချသော ကားများကို သတ်မှတ်ထားသည့် ရောင်းချရမည့် ရက်ထက် တစ်ရက်စောနေသဖြင့် ပေါက်ခေါင်းမြို့နယ်ရှိ ကားများအား ကြံစိုက်ပျိုး ရေးတာဝန်ခံ မင်းကျော်ဦးဆိုသူမှ ကြံကားတစ်စီးလျှင် ဒဏ်ငွေ (၁၀၀၀၀ိ/-) ပေးဆောင်ရန် ကြံကား(၆)စီးကို တောင်းခဲ့ သည်။ ထိုသုိ့ကြံကား (၆) စီးအား ဒဏ်ငွေ (၁၀၀၀၀ိ/-) တောင်းခဲ့သည့်အတွက်
ကားသမားများမှ မပေးနိုင်ကြောင်းပြောဆို ရာတွင် မင်းကျော်ဦးဆိုသူမှ ပိုက်ဆံမပေးနိုင်သော ကားများကို ပြန်ခိုင်းခဲ့သည်။ ထိုသုိ့ပြန်ခိုင်းရာ အခြားကြံကားများပါ စက်ရုံသို့ ကြံမရောင်းချတော့ဘဲ ကား (၉) စီးပြန်ထွက်စဉ် ကြံဝယ်အရာရှိ ဦးကြည်ဝင်းနှင့် ဒိုင်မှူးအချို့မှ မပြန်ရန်ပြောဆိုပြီး ညှိနှိုင်း ဆောင်ရွက် ပေးခဲ့ကြောင်း ကြံတောင်သူများနှင့် ကားသမားများထံမှ ကြားသိရသည်။ ကြံဝယ်အရာရှိ ဦးကြည်ဝင်းနှင့် ဒိုင်မှူးအချို့မှ မိမိတို့စက်ရုံတွင်သာ ကြံရောင်းချရန် ပြောခဲ့သဖြင့် ကားသမားများ နှင့် ကြံတောင်သူအချို့က ကတ္တားအလေးချိန် မမှန်ကြောင်းထပ်မံပြောခဲ့ပြီး ကတ္တားအလေးချိန် မှန်မှသာ ကြံရောင်းချမည် ဟု ပြောဆိုခဲ့သဖြင့် န၀ဒေးသကြားစက် တာဝန်ရှိသူ မစ္စတာအမွန်လတ်မှ ၄င်း၏ ကားဖြင့် သကြားအိတ်များ တင်ဆောင်ပြီး ကတ္တားအလေးချိန်အား တိကျမှုရှိ/ မရှိ၊ စမ်းသပ်ကြည့်ရာတွင် ကတ္တားအလေးချိန် မှားယွင်းနေကြောင်း တွေ့ရှိရသည့် အတွက် မစ္စတာအမွန်လတ်မှ မိမိတို့ ကတ္တားအလေးချိန်သည် မှားယွင်းနေကြောင်း ၀န်ခံပြောဆိုပြီး နောက်နောင် ယခုကဲ့ သို့သော အလေးချိန်မမှန်ခြင်း၊ ကတ္တားကွာ
ခြားမှုမရှိစေရန် ကြံတောင်သူများနှင့် ကားသမားများထံသို့ ကတိပြုခဲ့ကြောင်း ကြံတောင်သူများနှင့် ကားသမားများထံမှ သတင်းစကား ကြားသိရသည်။

 

 

နောက်ဆုံးရ သတင်းများ
Find Us On Facebook
Visitors
006500
Visit Today :
This Month :
Who's Online :
Your IP Address: 162.158.79.142
Android မှ ဖတ်ရှုရန်

Copyright © 2014 http://www.pyaycity.com. All Rights Reserved.
Powered By Webmaster Myanmar