သရေခေတ္တရာ ပြည်မြို့တော်

ပြည်မြို့ထွက် မုန်လာဥများ ဈေးကောင်း ရသော်လည်း အထွက်နှုန်း နည်းသဖြင့် တောင်သူများ တွက်ချေမကိုက်

သီဟလွင် – ပြည်( မြစ်မခ)

pyaycity-carrot-field

ပဲခူးတိုင်းဒေသကြီးအနောက်ပိုင်း၊ ပြည်မြို့နယ် သရေခေတ္တရာ ရှေးဟောင်းဇုန်အတွင်းရှိ ကျေးရွာများမှ ထွက်ရှိသော မုန်လာဥများ ယခုရက်ပိုင်းများအတွင်း ဈေးကောင်းလာသော်လည်း ရာသီဥတုကြောင့် အထွက်နှုန်းနည်းကာ တောင်သူများ တွက်ချေမကိုက်ဖြစ်နေကြောင်း သိရှိရသည်။ လက်ရှိတွင် မုန်လာဥငါးလုံးပါ တစ်တွဲလျှင် ဖောက်သည်ဈေး ကျပ် ၂၀၀ ခန့် ရရှိနေသော်လည်းတန်ဆောင်တိုင် ကာလအချိန်အခါမဟုတ် မိုးရွာသွန်းမှုများကြောင့် မုန်လာဥအထွက်နှုန်းနည်းခြင်းနှင့် အလုံးသေးခြင်းများကြောင့် တွက်ခြေမကိုကဘဲ အရှုံးပေါ်နေရကြောင်း မုံလာစိုက်တောင်သူများက ဆိုသည်။ “ မုံလာဥက မိုးကြောက်တယ်။ အခုမိုးတွေရွာလိုက်တော့ ဥပုပ်ရင်ပုပ်။ မပုပ်ရင်အရွက်နွမ်းသွားတယ်။ ပြီးတော့ အထွက်နည်းသွားတော့ တောင်သူတွေတွက်ချေမကိုက်ကြဘူး။”ဟု မှော်ဇာကျေးရွာမှာ မုံလာစိုက်တောင်သူ ဦးမြင့်သောင်းက ပြောသည်။ ထို့ပြင် အလုပ်သမားစရိတ်သည် မုံလာဥတစ်ဧကလျှင် ကျပ်တစ်သိန်းခွဲခန့် ကုန်ကျပြီး အထွက်နှုန်းကောင်းပါက အဆင်ပြေမှုရှိသော်လည်း ယခုကဲ့သို့အထွက်နှုန်းနည်းလျှင် တွက်ခြေမကိုက်ကြောင်း သိရသည်။ အဆိုပါ မုန်လာဥများမှာ ရန်ကုန်သို့ တင်ပို့ခြင်းဖြစ်ပြီး မုန်လာဥ အရွယ်သေးသော်လည်း အထွက်နှုန်းနည်း သဖြင့် ဈေကောင်းပေးဝယ်နေရကြောင်း အ၀ယ်ဒိုင်များထံမှ သိရသည်။ “ နှစ်တိုင်းလုပ်နေကျအလုပ်ဆိုတော့ မကိုက်တော့လည်းလုပ်ရတာပဲ။” ဟု တောင်သူများထံမှ အခင်းပြတ် ၀ယ်ယူသော မုံလာဥအ၀ယ်ဒိုင်တစ်ဦးက ပြောသည်။ ပြည်မြို့နယ် သရေခေတ္တရာ ရှေးဟောင်းဇုန်အတွင်း ရာသီပေါ်သီးနှံအဖြစ် မုံလာဥနှင့် သခွားသီးများ ထွက်ရှိ နေပြီး စီပွားဖြစ်စိုက်ပျိုးသော သီးနှံများမှာ မုန်လာဥ၊ ဘူးသီး၊ သခွားသီး၊ နံနံပင်၊ ကြက်ဟင်းခါးသီး၊ ခရမ်းကျွတ်သီးနှင့် အလှပန်းများဖြစ်ပြီး အခြားရာသီစာ သီးနှံများလည်း ထွက်ရှိကြောင်း သိရသည်။

 

နောက်ဆုံးရ သတင်းများ
Find Us On Facebook
Visitors
006500
Visit Today :
This Month :
Who's Online :
Your IP Address: 162.158.79.142
Android မှ ဖတ်ရှုရန်

Copyright © 2014 http://www.pyaycity.com. All Rights Reserved.
Powered By Webmaster Myanmar