သရေခေတ္တရာ ပြည်မြို့တော်

ဥပဒေပေါင်း (၂၁၀) ပြင်ဆင်ရန်အတွက် ပြည်မြို့တွင် ဆန္ဒထုတ်ဖော်

pyaycity-protest-on-2014-decပြည့်သဲမောင်(ပြည်)

 

 

၂၀၀၈ ခုနှစ်၊ ဖွဲ့စည်းပုံအခြေခံ ဥပဒေပုဒ်မ ၅၉ (စ)၊ ပုဒ်မ (၄၃၆) နှင့် ပြင်ဆင်သင့်သော ဥပဒေပေါင်း (၂၁၀) အား ပြင်ဆင်ရန်အတွက် ရည်ရွယ်၍ ပဲခူးတိုင်းဒေသကြီး၊ ပြည်ခရိုင်၊ ပြည်မြို့၊ န၀င်းရပ်ကွက်၊ ၀ါရုံရပ်နေ ကိုဝင်းလှိုင်သည် ဒီဇင်ဘာလ (၄)ရက်၊ ညနေ (၄း၀၀) နာရီအချိန်ခန့် ငြိမ်းချမ်းစွာ စီတန်းလှည့်လည် ဆန္ဒထုတ်ဖော်ခဲ့သည်။ ” ၅၉ (စ) ၊ (၄၃၆) ဖွဲ့စည်းပုံ အခြေခံဥပဒေပြင်ဆင်ရေး အရေးတော်ပုံလှုပ်ရှားမှု ဖွဲ့စည်းပုံ အခြေခံဥပဒေပြင်ဆင်ရေး သည် အမျိုးသားရေးတာဝန်ဖြစ်တယ်။ တောင်သူလယ်သမား၊ အလုပ်သမား၊ ကျောင်းသား၊ တိုင်းရင်သားပြည်သူအားလုံး ၏ ဘုံရန်သူသည် ဖွဲ့စည်းပုံ အခြေခံဥပဒေပဲဖြစ်တယ်။ ဥပဒေပြင်ဆင်ရန်အတွက် လက်မှတ်ပေးလို့မှ မလုံလောက်သေးဘူး ဆိုရင် အသက်ပေး၍ ပြင်ဆင်မည်” ဟု ဆန္ဒထုတ်ဖော်သူ ကိုဝင်းလှိုင်က ပြောသည်။ ဆန္ဒထုတ်ဖော်သူများသည် ပြည်မြို့၊ ဗိုလ်ချုပ်မြင်းစီးကျောက်ရုပ်တွင်စုဝေးကာ ” ၅၉(စ)၊ (၄၃၆) ၂၀၀၈ ဥပဒေ ပြင်ဆင်ရေးအရေးတော်ပုံလှုပ်ရှားမှု” ” ဦးနေ၀င်း ဦးဆောင်သော တပ်မတော်၏ ကယ်တင်မှုကြောင့် အာရှအချမ်းသာဆုံးနိုင်ငံမှ ဆင်းရဲတဲ့နိုင်ငံဖြစ်သွားခဲ့။ ဦးသန်းရွှေ ဦးဆောင်သော တပ်မတော်၏ ကယ်တင်မှုကြောင့် ဆင်းရဲတဲ့နိုင်ငံအဖြစ်မှ ကမ္ဘာ့အဆင်းရဲဆုံး နိုင်ငံဖြစ်သွားခဲ့။ ဦးမင်းအောင်လှို်င် ဦးဆောင်သော တပ်မတော်၏ ကယ်တင်မှုကြောင့် ကမ္ဘာ့အဆင်းရဲ ဆုံးနိုင်ငံအဖြစ်မှ ရုန်းမထွက်နိုင်ခဲ့။ လယ်
သမားသားသမ္မတဖြစ်မှ လယ်သမားတွေ ထောင်ကျကုန်တော့တယ်။ ဗုဒ္ဓဘာသာ ဗမာလူမျိုး သမ္မတဖြစ်မှ ဘုရားသား ရဟန်းသံဃာတွေ အရှင်လတ်လတ် မီးလောင်တယ်” ဟူသောစာသားများ ရေးသားထားသော ဆိုင်းဘုတ်ငယ်များ ကိုင်ဆောင်၍ ဗိုလ်ချုပ်မြင်းစီးကျောက်ရုပ်မှ ဗိုလ်ချုပ်လမ်းအတိုင်း မြောက်စောင်းတန်းလမ်း နာရီစင်ရှေ့တွင် ခေတ္တရပ်နားပြီး နာရီစင်ရှေ့မှ ဗိုလ်ချုပ်လမ်းအတိုင်း ပြန်လည်ချီတက်ကာ ဗိုလ်ချုပ်မြင်းစီး ကျောက်ရုပ် ရှေ့တွင်ဆန္ဒထုတ်ဖော်မှုကို ငြိမ်းချမ်းစွာ လူစုခွဲခဲ့ကြသည်။ ဆန္ဒထုတ်ဖော်သူများသည် ချီတက်ရာလမ်းကြောင်းတစ်လျှောက်တွင် ” ဘာလုပ်နေလဲ – ချီတက်နေတယ် . . . ချီတက်နေတယ်။ ဘာလုပ်ဖို့လဲ – ဖွဲ့စည်းပုံပြင်ဖို့ . . . ဖွဲ့စည်းပုံပြင်ဖို့။ ဘယ်သူ့အတွက်လဲ – ပြည်သူ့အတွက်ပဲ. . . ပြည်သူ့ အတွက်ပဲ။ဖွဲ့စည်းပုံဥပဒေပြင်ဆင်ရေး – ဒို့အရေး . . .ဒို့အရေး၊ ဥပဒေပြင်ဆင်ရေး အရေးတော်ပုံ – အောင်ရမည် … အောင်ရမည် ” ဟု ကြွေးကြော်သံများ ကြွေးကြော်ကာ ဆန္ဒ ထုတ်ဖော်ခဲ့ကြောင်း သိရသည်။

 

 

နောက်ဆုံးရ သတင်းများ
Find Us On Facebook
Visitors
006500
Visit Today :
This Month :
Who's Online :
Your IP Address: 173.245.52.102
Android မှ ဖတ်ရှုရန်

Copyright © 2014 http://www.pyaycity.com. All Rights Reserved.
Powered By Webmaster Myanmar