သရေခေတ္တရာ ပြည်မြို့တော်

သဲကုန်းလယ်သမားများ ဇူလိုင် ၂ရက်တွင် ထွန်တုံးတိုက်ပွဲ ဆင်နွဲကြမည်

ခင်မြတ်မြတ်ဝေ Mizzima

images_pyaycity-pyay

ပဲခူးတိုင်း၊ ပြည်ခရိုင်၊ သဲကုန်းမြို့နယ်အတွင်းရှိ ကျေးရွာ ရှစ်ရွာမှ သိမ်းဆည်းခံထားရသည့် လယ်မြေများ ပြန်ရရေးအတွက် ဇူလိုင်၂ရက်တွင် လယ်သမားများက ထွန်းတုံးတိုက်ပွဲဆင်နွဲမည်ဟု လယ်သိမ်းဆည်ခံထားရသည့် ဒေါ်ကြင်ရွှေက မဇ္ဈိမကိုပြောသည်။ လယ်သမားများ၏ ထွန်တုံးတိုက်ပွဲအတွက် ခွင့်ပြုမိန့် မတောင်ဘဲ ဆန္ဒပြမည်ဟု ဒေါ်ကြင်ရွှေက ဆိုသည်။ “ကျွန်မတို့ ခွင့်ပြုမိန့် တောင်းတိုင်း မရခဲ့ဘူး။ အဲဒါကြောင့် ခွင့်ပြုမိန့်ကို မတောင်းတော့ဘူး။ ခွင့်ပြုမိန့် မရလည်း ကျွန်မတို့က ဆက်လုပ်သွားမယ်”ဟု ၎င်းကပြောသည်။ ယင်းထွန်းတုံးတိုက်ပွဲကို သဲကုန်းမြို့နယ်၊ အောင်ကုန်းကျေးရွာတွင် ဇူလိုင်လ ၂ရက်မှ  ၅ရက်အထိ ပြုလုပ်သွားမည်ဖြစ်ပြီး အောင်ကုန်းကျေးရွာရှိ ဦးထိုင်ထိုင်က သိမ်းဆည်းထားသည့် လယ်ဧက၂ဝဝပေါ်တွင် ပြုလုပ်သွားမည်ဖြစ်သည်။ ဦးထိုင်ထိုင်က “တွန်းတုံးတိုက်ပွဲလုပ်မှာတော့မသိဘူး။ လုပ်ချင်ရင်တော့လုပ်ပေါ့ ။ကျွန်တော်တို့က သက်ဆိုင်ရာတွေနဲ့ ညှိဖို့ပြောထားတယ်။ သက်ဆိုင်ရာတွေကို စာတင်ထားတယ်။ ၁လလောက်ရှိပြီ”ဟု မဇ္ဈိမကို ပြောသည်။ ထွန်တုံးတိုက် ဆန္ဒပြပွဲတွင် သဲကုန်းမြို့အနယ်အတွင်းရှိ လယ်ယာမြေ သိမ်းဆည်းခြင်း ခံထားရသည့် ရွာများဖြစ်သည့် အောင်ကုန်းကျေးရွာ၊ ကဇွန်းအင်းကျေးရွာ၊ သင်တောကျေးရွာ၊ ယင်းထိုက်တန်ကျေးရွာ၊ နှောကုန်းကျေးရွာ၊ စောက်ခြုံကြီးကျေးရွာ၊ ပေါက်မော်ကျေးရွာနှင့် တပင်မှော်ကျေးရွာတို့မှ လယ်သမားများ စုပေါင်း၍ပြုလုပ်သွားမည်။ ၁၉၉၉ခုနှစ်က တပ်မ၆၆မှ ယင်း ရွာရှစ်ရွာမှ မြေဧက၂၁,ဝ၆၄ဧကကို သိမ်းဆည်းခဲ့ပြီး ၂ဝ၁၁ခုနှစ်တွင် အောင်ကုန်းကျေးရွာမှ လယ်ယာမြေ ၁၁၅၉.၅၅ဧကကို အမှတ်(၃) လက်ကားသမဝါယမအသင်း လီမိတက်အမည်ဖြင့် ပုဂ္ဂလိကလုပ်ငန်းရှင် ဦးထိုင်ထိုင်ကို ရောင်းချခဲ့ပြီး ဦးထိုင်ထိုင်က ယနေ့အထိ ငါးကန်လုပ်ငန်းများ လုပ်ကိုင်ခဲ့သည်။ ယင်းလယ်များ ပြန်လည်ရရှိရေးအတွက် တောင်သူများက ၂ဝ၁၄ခုနှစ် ဖေဖော်ဝါရီလက စတင်ကာ သပိတ်စခန်းဖွင့်ခြင်း၊ ကျိန်စာတိုက်ပွဲပြုလုပ်ခြင်း၊ အခေါင်းမီးရှို့ပွဲ ပြုလုပ်ခြင်း ဆန္ဒပြဆုတောင်းပွဲ ပြုလုပ်ခြင်းများ ပြုလုပ်ခဲ့ပြီး ပုဒ်မ(၁၈)ဖြင့် လေးဦး၊ ကျိန်စာတိုက်မှုကြောင့် ပုဒ်မ၅ဝ၅(ခ)ဖြင့်ငါးဦး၊ ဆုတောင်းဆန္ဒပြမှုကြောင့် ပုဒ်မ၅ဝ၅(ခ)ဖြင့် လေးဦး တရားဆွဲဆိုခံရသည်။ ဆန္ဒပြ ခေါင်းဆောင်များထဲမှ ကိုပေါက်စ၊ ဒေါ်ညို၊ ကိုမောင်ဝင်း စသည့် လယ်သမားသုံးဦးကို ပေါင်းတည်ထောင်တွင် ဖမ်းဆီးထားပြီး ကိုကောင်းထက်ကျော် နှင့် မခင်မာအေးမှာ ထွက်ပြေးလွတ်မြောက် နေဆဲဖြစ်သည်။

 

နောက်ဆုံးရ သတင်းများ
Find Us On Facebook
Visitors
006500
Visit Today :
This Month :
Who's Online :
Your IP Address: 162.158.79.10
Android မှ ဖတ်ရှုရန်

Copyright © 2014 http://www.pyaycity.com. All Rights Reserved.
Powered By Webmaster Myanmar